Shuma Global Meditation

Акцыя жанчын у белым пасьля страшных дзён 9-11 жніўня ў Менску павярнула ход падзей у Беларусі і дапамагла нам не забыць, што праўда і любоў – гэта мы. У нашай краіне ўсё яшчэ пануюць нянавісьць і страх, таму гэтай мэдытацыяй мы хочам падтрымаць усіх, хто напалоханы або стаміўся, даць ім сілы працягваць мірныя пратэсты.

Мэдытацыя адбудзецца ў суботу, 24.10.2020, 20:00 (Менск), shuma.by + radioplato.by

Любоў пераможа страх і нянавісьць

Мы верым, што кожны мае зерне любові і дабрыні ўнутры, хоць і ў кагосьці яно ў сьпячым рэжыме. Як трава прабіваецца нават скрозь асфальт, каханьне прарасьце скрозь гнеў і цемру. Мы запрашаем неабыякавых людзей з усяго сьвету сфакусавацца на любові, падтрымцы і спагадзе і накіраваць іх туды, дзе яны цяпер патрэбныя больш за ўсё.

Што будзе ў мэдытацыі

• Голас Русі стане гідам, які правядзе вас па вашым целе, каб знайсьці і зьняць заціскі,
• старажытныя беларускія песьні дапамогуць аднавіць сувязь з продкамі,
• бінаўральныя рытмы і гукі прыроды разьняволяць і настрояць на добрае,
• пяшчотная электроніка зьвяжа аўдыё аповед.

Запрашайце замежных сяброў

Мэдытацыя традыцыйна пройдзе на англійскай мове (але песьні як заўсёды на беларускай). Англійская вэрсія тут.

Партнёры і добрыя людзі

radioplato.by, citydog.by, ілюстрацыі @mila.kotka, відэа @coocoobird